पचालझरनामा प्रहरीको गाउँ गाउँमा सुरक्षा सचेतना

कालीकोट । पचालझरनाका गाउँ गाउँमा प्रहरीले सुरक्षा  सचेतना अभियान थालेको छ । इलाका प्रहरी कार्यालय पचालझरनाले सुरक्षा सचेतना तथा जनचेतनामूलक कार्यक्रम गरेको छ । बुधबार पचालझरना गाउँ पालिकाको वडा नम्बर ३ खार्दुमा ट्राफिक नियमको पालना र समाजमा घट्ने लागू औषध,बाल बिबाह,छुवाछूत तथा छाउपडी प्रथा न्यूनीकरण सम्बन्धि चेतना मुलक कार्यक्रम गरेको हो  । ईलाका प्रहरी कार्यालय पचालझरनाका प्रमुख गणेश रावलले सहजीकरण गरेको बताइएको छ ।सो कार्यक्रममा गाउपालिका अध्यक्ष खड्गराज सेजुवाल,वडा नम्बर तिनका अध्यक्ष लाेकजङ कठायत,राजनैतिक दलका प्रतिनिधि र समुदायको उपस्थिति रहेको थियो ।