पलांतामा पत्रकार तिलक बुढा माओवादीबाट वडा अध्यक्षमा विजयि

कालीकोट । स्थानिय तहको निर्वाचनमा पलांता गाउँ पालिकाको वडा न. ४बाट वडा अध्यक्षमा पत्रकार तिलक बुढा निर्वाचित भएका छन ।

नेपाल पत्रकार महासंघ कालीकोटका जिल्ला कार्यसमिति सदस्य तथा प्रेस सेन्टर नेपालका कर्नालि प्रदेश सदस्य समेत रहेका बुढाले १ सय ५५ मत ल्याएर निर्वाचित भएका हुन । उनि पत्रकारीता संगै कलाकार समेत रहेका छन । यस अघि विभिन्न खालका गित तथा अभिनय गर्दै आएका बुढाले आफुले जितेपछि वडामा प्रयाप्त रोजगार र विकास निर्माण गर्ने प्रतिवद्धता गरेका छन ।

वडा अध्यक्षमा निर्वाचित बुढा रेडियो पलांता आवाजबाट शुरु भएको पत्रकारिता अहिले कर्नालि संचार डटकमको जिल्ला सम्बाददाताका रुपमा काम गर्दै आएका थिए ।

जिल्लाको रास्कोट नगरपालिका १मा नेकपा(एमाले)का तर्फबाट पत्रकार पवित्र कुमार शाही समेत वडा अध्यक्षको उम्मेद्धारी दिएका छन । यस अघि अन्य पत्रकारहरुले उम्मेद्धारीका लागि पहल गरेर चर्चामा आएपनि शुभकालिका गाउँ पालिका अध्यक्षमा पुष्पराज आचार्य चुनावि मैदानमा रहेका छन ।