सुचना माग्दा पत्रकार माथि दुर्वव्यवहार,प्रेस चौतारी कर्नालि प्रदेशको विरोध

कालीकोट । सुचना माग्न जांदा दैलेखमा पत्रकार माथि दुर्वव्यवहार भएको छ । दैलेख जिल्लाका क्रियासिल पत्रकार उदयराज अधिकारीलाई पूर्वाधार विकास कार्यालय दैलेखका प्रमुख प्रभाकर सिंहले  दुर्वव्यवहार गरेका छन ।

दुई महिना अघि सुचनाको हक सम्बन्धि निवेदन दिएको र उक्त सुचना लैजान सुचना अधिकारीले बोलाएको अवस्थामा कार्यालय पुगेको अधिकारीलाई कार्यकक्षमै बोलाएर ज्यान मार्ने धम्किका साथ दुर्वव्यवहार गरेकोे घटना प्रति प्रेस चौतारी कर्नालि प्रदेशले विरोध गरेको छ ।संगठनका कर्नालि प्रदेशका महासचिव प्रेमराज सिमखाडा द्धारा हस्ताक्षरित विज्ञप्तिमा सो घटनाको निन्दा गरिएको छ ।

विज्ञप्तिमा सुचना पाउनु जनताको अधिकारलाई हस्तक्षेप गर्दै उल्टै पत्रकारलाई धम्कि दिनुले सुचनाको अधिकार माथि बर्खिलाप गरेको प्रति विरोध गर्दै कार्यालय प्रमुख सिंहको गलत हर्कत सच्याउन चेतावनि दिएको छ । पत्रकार अधिकारी थाहा खवरका दैलेख जिल्ला सम्वाददाता तथा धमाका दैनिकका सहसम्पादक र प्रेस चौतारी दैलेखका सचिव समेत रहेका छन ।