कालीकोट र बाजुरा सिमामा प्रवेश द्धार बनाइने

कालीकोट । पलांता गाउँ पालिकाले कालीकोट र बाजुरा जिल्लाको सिमामा प्रवेश द्धार बनाउने भएको छ । मंगलबार पलांता गाउँ पालिका वडा न.१का अध्यक्ष मान बहादुर भण्डारी सहितका नेताहरुको उपस्थितिमा स्थलगत रुपमा अध्ययन गरिएको छ ।

पलांता गाउँ पालिकाको लगानिमा बन्न लागेको प्रवेश द्धारका लागि वडा न.१का स्थानिय राजनैतिक दल,समाजसेवि जनप्रतिनिधि तथा कर्मचारीहरुले स्थलगत अध्ययन तथा सर्भे गरेको बताइएको छ । पलांता गाउँ पालिका वडा न.१का नेकपा(एमाले)का नेता छत्र कार्कीका अनुसार उक्त प्रवेश द्धार निर्माण हुंदा पलांता गाउँ पालिका र बाजुराको सिमामा आवतजावत गर्ने स्थानिय तथा बाह्य समुदायले सिमाका बारेमा जानकारी हुने बताइएको छ ।

पलांता सरकारले विगत लामो समय देखि सिमामा प्रवेश द्धार निर्माण गर्ने योजना बनाएको थियो तर कारणबस चालु आर्थिक वर्षमा प्रवेश द्धार नमुनाका रुपमा बनाउन लागिएको वडा अध्यक्ष तथा पलांता गाउँ पालिकाका प्रवक्ता मान बहादुर भण्डारीले बताउनु भएको छ ।