क्यान्सर पिडित पूर्व जनमुक्ति सेनाका कमाणडर खड्काकाे निधन

कालीकोट । पचालझरना गाउँ पालिका वडा न.१ सिकु निवासि मानबहादुर खड्का(महेन्द्र)को निधन भएको छ । लामो समय देखि मुखमा क्यान्सरका कारण विरामिले थला परेका मानबहादुर खड्का(महेन्द्र)को उपचारबाट निको नभएपछि आइतवार आफ्नै निवास सिकुमा निधन भएको छ ।

जनयुद्ध कालमा जनमुक्ति सेना नेपालको प्लाटुन कमाण्डर समेत भएर विभिन्न सैन्य मोर्चामा सहभागि भएका महेन्द्रको दुइ वर्ष अघि क्यान्सर रोग लागेको र पटक पटक उपचार गर्दा पनि निको नभएपछि घरमा आएका खड्काको निधन भएकोमा नेकपा(माओवादी केन्द्र) पचालझरना गाउँ कमिटी, वडा न.१को वडा कमिटीले श्रद्धाञ्जलि व्यक्त गर्दै समबेदना प्रकट गरेका छन ।

नेकपा(माओवादी केन्द्र) पचालझरना गाउँ कमिटी इन्चार्ज तारा न्यौपाने(साधना)ले जनयुद्धका क्रममा सैन्य मोर्चामा सहभागि हुनुका साथै समाजमा अगुवाई गर्ने महेन्द्रको निधनले पार्टी र समाजलाई ठुलो क्षति पुगाएको बताएकी छन । मृतक खड्काका एक छोरा र एक छोरी रहेकी छन ।