बिकाश निर्माण गर्न उपभोक्ता समिती जिम्मेवार हुनुपर्छ-अध्यक्ष सेजुवाल

कालीकोट । पचालझरना गाउँ पालिका अध्यक्ष खड्गराज सेजुवालले बिकाश निर्माणका आयोजनाहरुको सहि ढंगले संचालनका लागि उपभोक्ता समितिका पदाधिकारी जिम्मेवार भएको बताउनु भएको छ । पचालझरना गाउँ पालिकामा कर्नाली प्रदेशमा संचालनमा आएका योजनहरुको कार्यन्वयनका लागि उपभोक्ता समितिलाइ अभिमुखिकरण कार्यक्रमलाई सम्बोधन गर्दै सो कुरा बताउनु भएको छ ।
पचालझरना गाउँ पालिकाले कर्नाली प्रदेशबाट संचालनमा आएका विभिन्न आयोजना कसरी संचालन गर्ने र भुक्तानी लिदा अपनाउनु पर्ने नितिनियमका बारेमा जानकारी गराउन अभिमुखिकरण कार्यक्रम गरिएको पचालझरना गाउँ पालिका योजना अधिकृत कमल बमले बताए ।
उनका अनुसार कामलाइ छिटोछरितो गर्न र गुणस्तर कायम गर्न उपभोक्ता समितिका पदाधिकारीलाई अभिमुखिकरण गरिएको बताउनु भएको छ ।
सो अभिमुखिकरण कार्यक्रमको इन्जिनियर बिप्लव भट्टले सहजिकरण गर्नु भएको बताइएको छ ।अभिमुखिकरण कार्यक्रम आइतबार देखि शुरु भएर सोमबार सम्पन्न भएको छ ।