रास्कोट सम्बृद्धिका लागि आफुले देखाएको बाटोमा जनप्रतिनधि अघि बढ्ने छन-पूर्व मेयर बराल

कालीकोट । रास्कोटका पूर्व जनप्रतिनिधिलाई एक कार्यक्रमका साथ विदाई गरिएको छ । आज शुक्रबार भएको विदाई कार्यक्रममा रास्कोट नगरपालिकाका प्रमुख काशिचन्द्र बराल, उपप्रमुख मिमसरा शाही लगाएतका जनप्रतिनिधिलाई विदाई गरिएको हो ।

सो कार्याक्रममा नवनिर्वाचित नगर प्रमुख सहितका जनप्रतिनिधिले आफुले रास्कोट सम्बृद्ध बनाउन कोरेको रोडम्यापलाई आत्मासाथ गर्दै बढ्ने आशा व्यक्त गर्दै पुर्व प्रमुख काशिचन्द्र बरालले आशा व्यक्त गर्नु भएको छ ।

पांच वर्षे कार्यकालमा निकै काम गर्ने सोच भएपनि कोभिड १९ महामारी लगाएतका समस्याले काम गर्न असम्भव भएकाले आउने दिनमा त्यसलाई आत्मसाथ गर्दै अघि बढेमा रास्कोट सम्बृद्ध हुनेमा द्धविधा नहुने बताउनु भएको छ । आफुले जे जति काम गरेको छु केही अधुरा छन ति अधुरा काम र नयाँ रचनात्मक काम हुनेमा आफु ढुक्क रहेको बताउदै आगामि कार्यकाल नयाँ जनप्रतिनिधिलाई सफलताको विन्दुमा पुग्ने र सो का लागि आफुले निरन्तर साथ दिने विश्वास व्यक्त गर्नु भएको छ ।

सो कार्यक्रममा नवनिर्वाचित नगर प्रमुख धर्मराज शाही,उपप्रमुख मनिराज बराल सहितका नेताहरुको उपस्थिति रहेको बताइएको छ ।