पलांतामा ११ औं गाउँ सभा शुरु,कार्यविधि पारित गर्दै

कालीकोट । पलांता गाउँ पालिकाको ११ गाउँ सभा शुरु भएको छ । पलांता गाउँ पालिकामा काम कार्वाहीलाई सहजता कायम गर्न गाउँ सभाले निणर्य गर्ने बताइएको छ ।
पलांता गाउँ पालिकाका अध्यक्ष विष्णु रोकायाको अध्यक्षतामा शुरु भएको गाउँ सभामा जनप्रतिनिधिहरुको उपस्थिति रहेको छ ।
पलांता गाउँ पालिकाले विकास निर्माण,सेवा सुविधा र काम कार्वाहीका बारेमा कार्यविधि बनाई अघि बढ्न हिंउदे गाउँ सभाका रुपमा शुरु गरिएको अध्यक्ष रोकायाले बताएका छन । उनका अनुसार केही नितिहरु नभएका कारण अघिल्लो वर्षमा विधिको अभावमा समस्या आएर बेरुजु देखिन आएकाले सो समस्याको निराकरणका लागि गाउँ सभाले कार्यविधि पारित गर्ने सहकर्मि धन बहादुर शार्कीले बताएका छन ।

पलांता गाउँ पालिकाका निमित्त कार्यकारी प्रमुख कर्मसिंह बमले पलांताको सम्बृद्धिका लागि ऐन तथा कार्यविधि बनाई अघि बढ्नका लागि गाउँ सभाले सहजता कायम गर्ने बताए ।