कर्नालि नदिमा भ्याकु तार्दा संज्याल वेपत्ता

कालीकोट ।कर्नालि नदिमा भ्याकु तार्न खोज्दा एक जना वेपत्ता भएका छन । पचालझरना गाउँ पालिकाको वडा न.८को चाटेबगरबाट कर्नालि नदि पारी सडक निर्माणका लागि भ्याकु तार्न खोज्दा पचालझरना ६ निवासि कुश्माखर संज्याल वेपत्ता भएका छन ।

निर्माण व्यवसायि मुक्ति संज्यालको भ्याकु कर्नालि नदिमा डुबेको छ भने उक्त भ्याकुमा रहेका संज्याल वेपत्ता भएको प्रहरीले जनाएको छ । उक्त भ्याकुका चालक नमराज मल्ल भने स्थानियको सहयोगमा सकुशल उद्धार गरिएको बताइएको छ । स्थानियका अनुसार शुक्रबार सांझ कर्नाली नदिमा भ्याकु तार्न खोज्दा उक्त घटना भएको हो ।

चालक मल्ललाई इलाका प्रहरी कार्यालय पडेक्षामा राखिएको छ भने वेपत्ता संज्यालको खोजि कार्य जारी रहेको जिल्ला प्रहरी कार्यालय कालीकोटका प्रहरी निरिक्षक गोबिन्द चौधरीले जानकारी दिएका छन । उनका अनुसार प्रहरी नियन्त्रणमा रहेका मल्ललाई सोधपुछका लागि राखिएको हो ।
यस अघि निर्माण व्यवसायि मुक्ति संज्यालका भाइ भ्याकु चालक खुलालु सडक निर्माणका क्रममा ज्यान गएको थियो ।