डांफे मावि मुम्रामा सबै भन्दा बढि उपस्थिति हुने शिक्षकलाई सम्मान

कालीकोट । आर्थिक वर्ष २०७७।०७८मा विद्यालयमा सबै भन्दा बढि उपस्थिति हुने शिक्षकलाई सान्नित्रिवेणि वडा न.९ मुम्रा स्थित डांफे माविले सम्मान गरेको छ ।

विद्यालयले सबै भन्दा बढि उपस्थिति हुने माध्यमिक तहका शिक्षक वेद प्रसाद न्यौपानेको ९५ प्रतिशत हाजिरी रहेको छ भने आधारभुत तह कक्षा ६ देखि ८ सम्ममा शिक्षक पृथ्वी बहादुर बुढा ९४ प्रतिशत हाजिरी रहेको बताइएको छ ।

सो विद्यालयमा आधारभुत तह कक्षा १ देखि ५ सम्ममा तेज बहादुर केसीले ९३ प्रतिशत हाजिरी रहेकोमा सम्मान गरेको हो । विद्यालयको तर्फबाट तिनै जना शिक्षकलाई फुलमालाले सम्मान गरिएको हो ।

विद्यालयले विद्यार्थि देखि शिक्षक सम्म हाजिरी देखि हरेक कुरामा मूल्यांकन गरेर शैक्षिक गुणस्तरमा सुधार ल्याउन पहल गरेको विद्यालयका शिक्षक हिरामणि सिमखाडाले बताउनु भएको छ । वहाँका अनुसार २०७७ सालमा विद्यालयमा तहगत रूपमा सबै भन्दा बढी उपस्थित हुनुहुने शिक्षक साथीहरूलाई सम्मान गरेको बताउनु भएको छ ।

विद्यालयमा सबै भन्दा बढि हाजिरी भएर गरिएको सम्मान जिल्लाकै पहिलो पटक गरिएकोे बताइएको छ ।

(फोटा हिरामणि सिमखाडाको फेसबुक वालबाट)