हिमचुली सहकारीको एक साथ महाबै र पलातामा १३ औ साधारणसभा

कालीकोट । हिमचुली कृषि सहकारी संस्था लिको १३ औं वार्षिक साधारणसभा सम्पन्न भएको छ । पलाताको थिर्पु सेवा कार्यालयमा सस्थाका सेवा कार्यालय ब्यबस्थापन समिती संयोजक छत्र कार्किको अध्यक्षता कर्नाली प्रदेश सहकारी संस्थाका सचिब काली बहादुर महताराको प्रमुख आतिथ्यतामा भएको कार्यक्रममा पलाताका तीन सय बढी सदस्यहरुको उपस्थितिमा सम्पन्न भएको छ । सहकारी संस्थाले गरेका कामको बारेमा संस्थाका अध्यक्ष काली बहादुर महताराले प्रतिबेदन प्रस्तुत गर्नु भएको छ ।उक्त कार्यक्रममा नेकपा(माओवादी केन्द्र) का बिष्णु रोकाया,एकीकृत समाजावादीका नवराज सिंह,पलाता गाउँ पालिकाका कार्यकारी प्रमुख कर्मसिंह बम लगाएतले शुभकामना मन्तब्य दिनु भएको छ । बन्द शत्रमा बुना न्यौपाने,रुपकला न्यौपाने,मनकला बम लागएतका सदस्यहरुले सुझाव राख्नु भएको छ । उक्त कार्यक्रममा चार जनालाइ सम्मान गरिएको छ । सम्मानित हुनेमा ब्यबसायी शन्तोष बुढा,बचत कर्ता पार्बती बम,उत्कृष्ट केन्द्र कि केन्द्र प्रमुख फुलथुंगा बम र केन्द्र प्रमुख मध्ये कौशिला कुमारी न्यौपानेलाई दोसल्लाका साथै प्रशंसा पत्र प्रदान गरिएको छ ।उक्त सम्मानका क्रममा सम्मान गर्दै संस्थाका अध्यक्ष काली बहादुर महताराले बधाइ दिदै आगामी दिनमा अझै प्रगतिको कामना ब्यक्त गर्नु भएको छ ।