पचालझरना उपाध्यक्ष अल्किनालाई सि लिड्स आइकन अर्वाड

कालीकोट । महिला जनप्रतिनिधहरुकाे उत्सवका रुपमा लिइएको सि लिड्स आइकन अर्वाडमा पचालझरना गाउँ पालिका उपाध्यक्ष अल्किना बम (वविता) समग्र अबार्ड समुहको दाेस्राे र देशभरबाट चाैथाे स्थान प्राप्त गर्दै सम्मानित भएकी  छन्  ।

शुक्रवार काठमाडौंमा भएको अन्तिम छनोटमा सि लिड्स आईकनको आयोजनामा भएको अन्तिम नतिजा सार्वजनिक कार्यक्रममा प्रधानमन्त्री केपि शर्मा ओलीको हातबाट सम्मान पत्र प्राप्त गरेकी हुन ।

देशभरका ७ सय ५३ वटा स्थानीय तहबाट पहिलो चरणमा २७ जना छनोट र पुन विद्युतिय माध्यम बाट एसएमएस मार्फत  तेस्रो चरणको नतिजा पछि अर्वाड समुहबाट दोस्रो र देशभर बाट चौथो स्थान प्राप्त भएको बताइएको छ । कर्नाली जस्तो पछि परेको जिल्ला कालीकोट र त्यस भित्रको पचालझरना गाउँ पालिकाबाट निर्वाचित उपाध्यक्ष अल्किना बम सेजुवालले प्राप्त गरेको उक्त कार्य कालिकोट जिल्लाको लागि महत्वपूर्ण भएको बताइएको छ ।  उक्त सम्मान  कार्यक्रममा पचालझरना गाउँकालाई समेत सम्मान पत्र प्रदान गरिएको थियो ।

यस कार्यका लागि सहयोग गर्ने सबैलाई धन्यवाद दिदै पचालझरना उपाध्यक्ष अल्किना वमले आगामी दिनमा समेत सहयोगको आशा अपेक्षा गरेको बताएकी छन ।

जनयुद्धका क्रममा लामो समय जेल जीवन विताएकी अल्किना बम २०७९ सालको स्थानिय तहको निर्वाचनमा उपाध्यक्षमा उत्कृष्ट मत ल्याएर विजयी भएकी हुन ।