मोतिपुर घटना बारे तिन विद्यार्थि संगठनले के बोले (विज्ञप्ति सहित)

मोतिपुर औद्योगिक क्षेत्रमा बिगत केही दिन यता शृङ्खलाबद्ध रुपमा घटिरहेका घटना प्रति संयुक्त बिधार्थि संगठनको गम्भीर ध्यानाकर्षण भएको छ । बिजयादशमिको मुखमा सुकुम्बासी जनताको अनाहकमा ज्यान जाने गरि घटाईएको घटनाको घोर निन्दा र भत्सर्ना गर्दछौं । ज्यान गुमाउनु हुने रमेश परियार लगायत सम्पुर्णमा हार्दिक श्रद्धाञ्जली ब्यक्त गर्दछौं । झडपको क्रममा घाइते हुनभएका बर्दघाट -४ का बिजय सहनि ,पाल्पा रिब्दिकोटका , भिम बहादुर कार्कि , नवलपरासी पश्चिमका बिष्णु परियार लगायत सम्पूर्ण घाइतेहरुको सिघ्र स्वास्थ्य लाभको कामना गर्दछौं ।

औद्योगिक क्षेत्र स्थापना गर्ने नाममा १३३ बिधा जमिन अधिकरण नगर्दै गत फाल्गुन २१ गते तत्कालीन तत्कालीन सरकारले राज्य शक्तिको चरम दुरुपयोग गरि मोतिपुर क्षेत्रमा बसोबास गरिरहेका सर्वसाधारण जनतालाई सत्ता र शक्तिको आडमा लखेट्ने दुस्साहसको परिणाम आज मोतिपुर क्षेत्र रणमैदान भएको छ । अनाहकमा जनताको ज्यान गएको छ । यो घटनाको मुख्य कारण तत्कालीन प्रतिगामी सरकार र त्यसका अर्थमन्त्री भएको हाम्रो निष्कर्ष छ ।

तसर्थ मोतिपुर घटनाका मुख्य दोषि लगायत सम्पूर्ण लाई उचित छानबिन गरि कडा भन्दा कडा कारबाही , मृतकलाई उचित क्षतिपूर्ति र घाईतेहरुको नि:शुल्क उपचारको लागि जोडदार माग गर्दछौं । साथै मोतिपुर क्षेत्रमा बसोबास गरिरहेका सुकुम्बासी समस्या विलम्ब नगरी दीर्घकालीन समाधान गर्न हामि नेपाल सरकारलाई जोडदार माग गर्दछौं । जनताको संविधान प्रदत माग राख्दा , आन्दोलन गर्दा दमन नगर्न चेतावनी दिन चाहान्छौं ।

पञ्चा सिंह

अध्यक्ष

अनेरास्ववियू ( क्रान्तिकारी )

सुदेश पराजुली

अध्यक्ष

अनेरास्ववियू

रूपनारायण श्रेष्ठ

अध्यक्ष

समाजवादी विद्यार्थी युनियन