पचालझरनामा न्यानो कपडा पाएपछि बुढाबुढी दंग

कालीकोट । पचालझरनामा जेष्ठ नागरिकलाइ कपडा वितरण गरिएको छ। पचालझरना गाउँ पालिका उपाध्यक्ष कार्यक्रम अन्तरगत वडा नम्बर १ र २ का जेष्ठ नागरिकलाई न्यानो कपडा  वितरण गरिएको बताइएको छ।

पचालझरना गाउँ पालिका उपाध्यक्ष अल्किना  वम (सेजुवाल) को उपस्थितिमा वितरण गरिएको छ । वडा नम्बर १ का ७८ जना र वडा नम्बर २ का ५६ जना गरी एक सय ३४ जना ७० वर्ष भन्दा माथिका जेष्ठ नागरिकलाई न्यानो कपडा वितरण गरिएको हो। पचालझरना १ का वरुने बोगटीले आफूलाई जाडो मौषममा न्यानो कपडा वितरण गर्ने पालिका सरकारलाई धन्यवाद दिएका छन् ।

यस अघि पचालझरनाले जेष्ठ नागरिकलाइ थर्मोस वितरण गरेको थियो ।

जेष्ठ नागरीक संग उपाध्यक्ष कार्यक्रम प्रभावकारी रुपले अघि बढेको र यसलाई सब वडामा जेष्ठ नागीकलाई न्यानो कपडा वितरण गरिने बताउदै उपाध्यक्ष अल्किना बम (सेजुवाल) आफूले निर्वाचन ताका बोलेको बाचा पूरा गरेको बताएकी छन। न्यानो कपडा वितरण पछि जेष्ठ नागरीक खुशी भएका छन।