रास्कोटमा स्थानिय तह राष्ट्रपति रनिङ शिल्डमा कालासिल्ला मावि प्रथम

रुपेन्द्र ऐडी/कालीकोट । स्थानिय तह राष्ट्रपति रनिङ शिल्ड प्रतियोगितामा रास्कोटको कालासिल्ला माध्यमिक विद्यालय गोर्खालिगाउँ प्रथम भएको छ ।बुधबार बडिमालिका माध्यमिक विद्यालयमा संचालन भएको राष्ट्रपति रनिङ शिल्ड प्रतियोगितामा आज(विहबार) सम्पन्न भएको छ ।

जसमा कालासिल्ला मा.बि. गोर्खालिगाउँले १६ वटा गोल्ड मेडल सहित प्रथम भएको छ भने वडिमालिका मा.वि। स्युताले ६ वटा गोल्ड मेडल सहित दोस्रो स्थान हात पारेको छ ।त्यसै गरी मोतीराम मा.वि.सिपखानाले ५ वटा गोल्ड मेडल सहित तृतिय स्थान र
जनजागृति मा.वि .३ वटा गोल्डमेडल सहित सान्वना स्थान हांसिल गरेको बताइएको छ । रास्कोट खेलकुद विकास समितिका अध्यक्ष गणेशविक्रम शाहीको अध्यक्षतामा शुरु भएको राष्ट्रपति रनिङ शिल्ड प्रतियोगिता रास्कोट नगर पालिकाका नगर प्रमुख धर्मराज शाही,उपप्रमुख मनिराज बरालले उद्धघाटन गरेका थिए । रास्कोट नगर प्रमुख धर्मराज शाहीले राष्ट्रपति रनिङ शिल्ड प्रतियोगिता सौहार्द वातावरणमा सफल पारेकोमा विद्यालय प्रशासन लगाएत सबैलाई धन्यवाद दिएका छन ।

कालासिल्ला माध्यमिक विद्यालय गोर्खालगिाउँका प्रधानध्यापक देबराज चौलागाईले प्रथम स्थान हांसिल गरे पछ िमेडल सहितका प्रमाण पत्र ग्रहण गर्दै खुशि व्यक्त गरेका छन । विगतमा पनि यस विद्यालयले खेल क्षेत्रमा उच्च प्रदशृन गरेको बताउदै प्रधानध्यापक चौगााइले गएको वर्ष तेस्रो स्थान ल्याएको स्मरण गर्दै अथक प्रयासमा विद्यालयको मेहनतको फल प्राप्त भएको बताएका छन ।

जिल्ला स्तरियमा हुने राष्ट्रपति रनिङ शिल्ड प्रतियोगिता पचालझरना गाउँ पालिकामा हुने जनाइएको छ ।