वादि परिवारलाई विश्वखाद्यका कर्मचारीबाट राहत वितरण

कालीकोट । जिल्लामा खाद्य सुरक्षाका क्षेत्रमा काम गर्दै आएको विश्व खाद्य कार्यक्रमका कर्मचारीहरुको सहयोगबाट सदरमुकाम मान्ममा रहेका वादी परिवारलाई खाद्यन्न राहत वितरण गरिएको छ ।

मंगलवार विहान गैरसरकारी संस्था महासंघको समन्वयमा सदरमुकाम मान्ममा रहेका ९ वटा घरपरिवारलाई प्रति घरपरिवारलाई ३० केजि चामल,२ केजि दाल,एक पाकेट तेल,२ केजि नुन र एक वटा हात धुने साबुन वितरण गरिएको बताइएको छ ।

गैरसरकारी महासंघ कालीकोटका अध्यक्षता तथा खांडाचक्र नगरपालिका वडा न. १का वडाध्याक्ष गणेश शाहीको उपस्थितिमा वितरण गरिएको छ । गैरसरकारी संस्था महासंघ कालीकोटका अध्यक्ष विरेन्द्र बुढाले विश्व खाद्यका कर्मचारीहरुले छाक कटाएर लक डाउनका समयमा छाक टार्न मुस्किल भएका बादी परिवारलाई सहयोग गरेकोमा धन्यावाद दिनु भएको छ ।

राहत वितरण गर्दै वडा अध्यक्ष गणेश शाहीले संकटको बेला आफुले पाउने पारिश्रमिकबाट विपन्न परिवारलाई सहयोग गर्नु भएकोमा कर्मचारीहरुलाई धन्यावद दिनु भएको छ । यस अघि विभिन्न सरकारी तथा गैरसरकारी निकाय लगाएत व्यक्तिगत रुपमा वादी समुदायलाई सहयोग गरेका थिए ।