सुर्खेत । प्रधानमन्त्री केपी शर्मा ओलीले पुस ५ गते प्रतिनिधिसभा भंग गर्ने असफल प्रयास गरेसँगै विभक्त बनेको नेकपा भित्र पूर्वमाओबादी छोडेर ओली पक्षमा लागेका कर्णाली प्रदेश सभाका दुई जना सांसदहरु माओबादीमै फर्किएको बताएका छन् ।
नेकपा माओवादी केन्द्रबाट दैलेख र सुर्खेतबाट प्रत्यक्ष निर्वाचित सांसद धर्मराज रेग्मी र ठम्मर विष्टले आफूहरु २०७५ जेठ दुई गतेकै अवस्थामा फर्किएको र नेकपा माओबादीमै रहेको प्रष्टिकरण दिनुभएको छ ।
अन्यत्रका सांसदहरुले पद छोडने तर ओलीको साथ नछोडने बताईरहेका समयमा कर्णालीका दुइ जना सांसदहरु भने आफ्नै दलमा बस्ने निर्णय नजिक पुगेका छन् ।
हाल काठमाडौंंमा दलका नेताहरुसँग राजनीतिक परामर्शमा रहेका ती दुवै जना सांसदहरु कर्णाललीका मुख्यमन्त्री महेन्द्रबहादुर शाहीको प्रत्यक्ष सम्पर्कमा रहेको मुख्यमन्त्री स्रोत बताउँछ ।
यता नेकपा माओबादीका शीर्ष नेताहरुले ओली पक्षमा लागेका भनिएका नेताहरुलाई कि त माओबादीमै फर्कन या पदबाट राजीनामा दिन आग्रह गरेका छन् ।
Discussion about this post