सुस्वाद्वारा पलाताका ५६ घरमा खानेपानी धारा

कालीकोट । पलाता गाउ पालिकाको वडा नम्बर ५ र ६ को वस्तिमा खानेपानी धारा संचालनमा आएका छन ।

सबै भन्दा बढि खानेपानी  हाहाकार हुने गरेको खिनको वस्तिमा खानेपानी धारा सुचारु भएका छन। पलाता गाउँ पालिका वडा न. ५ र ६ का ५६ घरधुरीमा खानेपानी धारा जडान भएपछि स्थानियमा खुशीयाली छाएको छ । आज एक कार्यक्रमका विच पलाता गाउ पालिका अध्यक्ष विष्णु बहादुर रोकायाले खानेपानीको उद्घाटन गर्दै वर्षौं देखिको स्वच्छ खानेपानीको पहुँच राख्ने चाहन खिन बासी का लागि सुखद अवसर भएको बताउदै सुस्वा परियोजनालाइ धन्यवाद दिएका छन। सुस्वाले कालिका मा. वि. छलाह , सरस्वती मा.वि राहुनेटा का साथै वडा नम्बर २ को थलातल सेरी गडगडे खानेपानीको को समेत काम गर्दै आएको छ ।

पलाता गाउँ पालिका र  सुस्वा परियोजना द्वारा पलाताक वडा नम्बर ५ र ६ का ५६ घरमा खानेपानीका लागि ८४ लाख लगानीमा खानेपानी धारा सुचारु भएको सुस्वाका परियोजनाका कार्यक्रम संयोजन धिर भण्डारीले बताए ।

सो खानेपानी आयोजनाको जिम्मा लिएका उपभोक्ता समिति अध्यक्ष सहितका पदाधिकारीलाई प्रशंसा पत्र द्वारा सम्मान समेत गरिएको  भण्डारीले बताएका छन।

पलातामा सुस्वा परियोजनाले खानेपानी र सरसफाइ क्षेत्रमा काम गर्दै आएको सहकर्मि धन बहादुर शार्कीले जानकारी दिएका छन ।