बाढी पहिरोबाट उच्च सतर्कता अपनाउन कालीकोट प्रशासनको आग्रह

कालीकोट । लगातारको वर्षाले जोखिम बढ्न सक्ने भन्दै जिल्ला प्रशासन कार्यालय कालीकोटले उच्च सतकर्ता अपनाउन अनुरोध गरेको छ ।

सहायक प्रमुख जिल्ला अधिकारी सरोज अधिकारी द्वारा हस्ताक्षरित सुचनामा देशभरको लगातारको भारी वर्षाले बाढी आइ खोला,नादी,नाला बढ्न गइ विपदका घटना हुन सक्ने भन्दै नदि, खोला किनारको वस्तिका समुदायलाइ उच्च सतर्कता अपनाउन सुचना गरिएको हो । वर्षेनि कालीकोट जिल्लामा बाढी पहिरोबाट कयौंको ज्यान जाने गरेका छ । यस वर्ष पनि उक्त घटना हुन सक्ने भन्दै गृह मन्त्रालयले  सचेत रहन सुचित गरेको हो।

गएको वर्ष कालीकोटको तिलागुफा, नरहरीनाथ लगाएतका ठाँउमा एक दर्जन बढीको ज्यान गएको थियो।