दोस्रो राष्ट्रपति रनिङ्गशिल्डमा सरस्वति मावि भिटा प्रथम

कालीकोट । पचालझरनामा आयोजना गरिएको दोस्रो राष्ट्रपति रनिङ्गशिल्डमा सरस्वति मावि भिटा प्रथम आएको छ ।

जसमा प्रथम आएको सरस्वति मावि भिटाले १३ गोल्ड मेडल जितेको हो भने दोस्रो स्थान ल्याउन सफल ज्ञानोदय मावि राम्नाकोटले ६ गोल्ड मेडल ल्याएको बताइएको छ । तेस्रो स्थान पंगेलिदेवि मावि नुवाघर आएको छ ।

उक्त विद्यालयले ४ गोल्ड मेडल जित्न सफल भएको छ ।खेलुकदमा ९ वटा विद्यालयहरु सहभागि भएका थिए । उक्त खेलुकदमा सरस्वति मावि सिकु भने पक्षपात भएको भन्दै खेल बहिस्कार गरेर फर्किएको थियो ।

खेलकुदमा सहभागि भएका सबै खेलाडीलाई पचालझरना गाउँ पालिका अध्यक्ष खडगराज सेजुवालले धन्यवाद दिदै १३ औं राष्ट्रपति रनिङ्गशिल्डमा सहभागि हुदै जित हासिंल गरेर फर्किन अनुरोध गर्नु भएको छ ।

१३ औं राष्ट्रपति रनिङ्गशिल्ड सान्नित्रिवेणि गाउँ पालिकाको वडा न. १ लुशामा बैशाख ६ गतेदेखि संचालन हुने भएको छ । उक्त स्थानमा जिल्लाका ९ वटै स्थानिय तहका खेलाडीहरु पुगिसकेका छन ।