चाडपर्वमा विकृति रोक्दै मौलिकता जोगाऔँ : उपराष्ट्रपति पुन

काठमाडौं । उपराष्ट्रपति नन्दबहादुर पुनले चाडपर्वमा देखिएको विकृतिलाई रोक्दै मौलिकता जोगाउनु पर्नेमा जोड दिनु भएको छ । उज्यालो र उल्लासको पर्व तिहारका अवसरमा शुभकामना दिँदै उपराष्टपति पुनले पछिल्ला समय चाड पर्व मनाउने क्रममा विकृति पनि देखा पर्न थालेकामा चिन्ता व्यक्त गर्नु भएको हो ।
उपराष्ट्रपति पुनले देश तथा विदेशमा रहेका सम्पूर्ण नेपाली दिदीबहिनी तथा दाजुभामा सुख, शान्ति, समृद्धि, सु–स्वास्थ्य एवम् उत्तरोत्तर प्रगतिको कामना गर्नु भयो ।
बहुजातीय, बहुभाषिक, बहुधार्मिक, बहुसांस्कृतिक र भौगोलिक विविधताले भरिपूर्ण हाम्रो देश विविध धर्म, संस्कार संस्कृतिले अत्यन्त धनी भएको उल्लेख गर्दै । विविधतायुक्त धर्म, संस्कार संस्कृतिले हाम्रो राष्ट्रिय एकतालाई मजबुत बनाउँदै आएको बताउनु भयो ।शुभकामना सन्देशमा महान् चाड तिहारले नेपालीकाबीच आपसी सद्भाव, सहिष्णुता, भाइचारा र एकता अभिवृद्धि गर्दै राष्ट्रिय एकतालाई थप बलियो बनाउनेमा विश्वस्त व्यक्त गर्नु भएको छ।
यस पर्वले दिदीवहिनिहरुको सम्बन्ध झन गाढा हुने बताउनु भएको छ ।