हुम्लामा हावाहुरी,आवतजावतमा कठिनाई

हुम्ला। हावाहुरीका कारण हुम्लामा हवाई सेवा अवरुद्ध हुंदा आवतजावतमा कठिनाई भएको छ ।

हावाहुरीका कारण कुनै पनि उडान नभएको सिमकोट विमानस्थलले जनाएको छ ।
पछिल्लो समय हिउँ पग्लिएर विमानस्थलमा जम्मा हुने गरेकाले समस्या आएपनि एकाएक हावाहुरी चल्दा थप समस्या भएको छ । घाम लागेपछि दिनहुँ बिहान १०/११ बजेपछि मात्र उडान हुँदै आएको भएपनि हावाहुरी चल्दा हवाई सेवा अवरुद्ध भएपछि जिल्ला बाहिर जाने नागरिकहरु समस्यामा परेका छन ।

नेपालगञ्जबाट हुम्लाका लागि उडान भरेका सीता, समिट र तारा एयरका जहाज सिमकोटको आकासमा पुगेर पनि फिर्ता भएको विमानस्थल श्रोतले जानकारी दिएको छ ।

विमानस्थलमा अवतरण गर्ने क्रममा एक्कासी हावाहुरी चल्दा जहाज नेपालगञ्ज नै फिर्ता भएको बताइएको छ ।