खोलाले बगाएका धन बहादुरको सव भेटियो

कालीकोट । तिन दिन देखि खोलाले बगाएर बेपत्ता भएका युवकको सव भेटिएको छ । नरहरिनाथ गाउँपालिका वडा ५ निवासि धन बहादुर बोगटीको सव शनिवार नरहरिनाथको वडा न.४को दोविटामा भेटिएको बताइएको छ ।

मृतक बोगटी विहबार भाटगाउँमा बाख्रा पुगाउन जाने क्रममा खोला तर्ने क्रममा बगाएर बेपत्ता भएका थिए । वेपत्ताका क्रममा बोगटीको प्रहरी तथा समुदायले खोजि कार्य गरेपछि उनको सव भेटिएको नरहरिनाथ गाउँपालिकाका उपाध्यक्ष कमल कुमार शाहले बताएका छन ।

उनका अनुसार वर्षाको समयमा बाढि पहिरोको समयमा जनतालाई सचेत रहन आग्रह गर्दै उद्धारमा लागि परेको बताए । मृतक बोगटीको पोष्टमार्टमका लागि प्राथमिक स्वस्थ्य केन्द्र नरहरिनाथ ल्याइएको उपाध्यक्ष कमल शाहले जनाएका छन ।