पलातामा आँखा शिविर हुने,स्थानिय खुशी

कालीकोट । पलातामा आंखा शिविर हुने भएको छ । पलाता गाउँ पालिकाको आयोजना र नेपाल नेत्र ज्योति संघ, जिल्ला शाखा कालीकोटको समन्वय तथा सहकार्य का साथै हिमालय आँखा अस्पताल घारीपाटन पोखरा र जिल्ला आँखा उपचार केन्द्र कालीकोटको प्राविधिक सहयोगमा एक हप्ता सम्म शिविर हुने भएको हो।

असोज १२ र १३ गते खिनको नेटामा मोतिवन्दु छनोट आँखा शिविर हुने भएको जिल्ला आँखा उपचार केन्द्र कालीकोट प्रमुख डवल अधिकारीले बताए । उनका अनुसार असोज १४ र १५ गते राडुनेटा,असोज १६ र १७ गते थिर्पु र पलाता अस्पतालमा असोज २० र २१ गते आँखा शिविर हुने भएको हो ।

पलाताका समुदायलाई सहज तरिकाले स्वास्थ्यमा सहज गर्न गॉउमा शिविर आयोजना गरिएको र उक्त शिविरबाट सबैले सेवा लिन अनुरोध गर्दै पलाता गाउँ पालिका अध्यक्ष बिष्णु बहादुर रोकायाले अनुरोध गर्नु भएको छ ।

जनताको सेवामा निरन्तर रुपमा समर्पित पलाता सरकारको यस कामलाई समुदायले धन्यवाद दिएका छन। यस अघि आँखा उपचार केन्द्र कालीकोटले सान्नित्रिवेणी गाउँ पालिका का विद्यालयमा आँखा जाँच गरेको थियो।