पचालझरनामा यातायात सुचारु हुंदा स्थानिय खुसी

कालीकोट । जिल्लाको पचालझरनामा बाढी पहिरोका कारण अवरुद्ध भएको सडक मर्मत भएपछि यातायातका साधन संचालन भएका छन ।
पचालझरना गाउंपालिकाको पहलमा चार दिन अघि देखि मर्मत गरिएको सडक मंगलवार देखि यातायातका साधन सुचारुमा आएका हुन ।

रास्कोट नगरपालिका र पचालझरनाको सिमा रहेको फुगाड खोलामा बेलीब्रिज पुल बगाउदा कठिनाइ आएको भएपनि उक्त खोलामा डोजरले बाटो बनाए पछि शान्तिघाट देखि पचालझरनाको जारकोट सम्म गाडी संचालन हुदा स्थानियले खुसी महशुस गरेका छन ।
सडक अबरुद्ध हुदा पचालझरना गाउंपालिकाका स्थानियहरुले दुई दिनको पैदल हिडेर जितेबाट सामान ल्याउन बाध्य भएका थिए ।

दुइ दिन अघि शान्तिघाट बाट सामान ल्याउदै गरेका जैबिरे शार्कीले खुसी ब्यक्त गरेका छन । उनले भने “महंगो भएपनि घरको आगनमा दैनिक उपभोग्य सामान पाउदा राहतको महशुस भएको छ ।”
उक्त सडक मर्मतको जिम्मा लिएका पचालझरना गाउंपालिका वडा न ३ अध्यक्ष लोकजन कठायतले दिनरात सडकको पहिरो पन्छ्याउने काम गरेकाले यातायात सुचारु भएकोमा स्थानियलाई सहजता भएको बताउनु भयो ।
यस अघि रास्कोट नगरपालिकाको पहलमा शान्तिघाट देखि आर सि पी बजार सम्म बाटो मर्मत गरि गाडी सुचारु भइरहेका छन   ।