कर्नालिका मुख्यमन्त्रि महेन्द्र बहादुर शाही विरद्ध पुर्व एमाले द्धारा अविश्वासको प्रस्ताव

सुर्खेत। ५ वर्षे कार्यकाल मध्ये आधा कार्यालय पूर्व एमालेले पाउनु पर्ने भन्दै १८ जना सांसदहरुले कर्नालिका मुख्यमन्त्रि महेन्द्र बहादुर शाही विरुद्ध अविश्वासको प्रस्ताव दर्ता गरेका हुन । कर्नालि प्रदेशको सत्तारुढ नेकपामा ध्रुविकरण बढ्दै जाँदा सरकारविरुद्ध अविश्वासको प्रस्ताव दर्ता भएको छ । १८ जना सांसदले महेन्द्रबहादुर शाही नेतृत्वको सरकार बिरुद्ध अविश्वास प्रस्ताव दर्ता गराएका हुन् । देश संघीय संरचनामा गइसकेपछि बनेको प्रदेश सरकारमा आफ्नै सरकारविरुद्ध सत्तारुढ दलले नै अविश्वासको प्रस्ताव दर्ता गराएको यो पहिलो अवसर हो ।

अचानक अविश्वास प्रस्ताव दर्ता भएपछि यसले नेकपा भित्र भित्रभित्रै समस्या भुसको आगो जस्तै फैलिएको रहेछ भन्ने देखिएको छ । अविश्वासको प्रस्ताव दर्ता गर्न नेतृत्व गर्ने कँडेल कर्णाली प्रदेशको मुख्यमन्त्रीको दाबेदार थिए । तत्कालीन एमाले र माओवादी केन्द्रबीच भागबण्डा हुँदा कर्नालि र सुदूरपश्चित माओवादी केन्द्रको भागमा परेपछि उनले मुख्यमन्त्री पाएका थिएनन् । तर संघीय सरकारमा प्रधानमन्त्रीमा दुई अध्यक्ष केपी ओली र प्रचण्डले आधा आधा कार्यकाल बाँड्ने सहमति गरे जस्तै कर्नालि प्रदेशमा पनि आधा कार्यकाल बाड्ने सहमति भएपनि मुख्यमन्त्री शाहीले त्यसलाई टार्दै गएको कँडेल पक्षको आरोप छ। यहि सहमति कार्यान्वयन गर्न शाही बिरुद्ध अविश्वास प्रस्ताव दर्ता गराइएको कँडेल निकट एक नेताले बताए ।

हस्ताक्षर गर्नेमा पूर्व एमालेका १३ र पूर्वमाओवादीका ५ जना सांसद छन् । कर्णाली प्रदेशसभामा नेकपाका ३३ जना सांसद रहेका छन् ।