योगि नरहरिनाथको सम्झनामा रहगाढ बजारमा तेस्रो महोत्सव हुने

कालीकोट । नरहरिनाथ गाउँ पालिकाको रहगाड बजारमा तेस्रो नरहरिनाथ धार्मिक,सांस्कृतिक, शैक्षिक तथा पर्यटन महोत्सव हुने भएको छ । योगि नरहरिनाथको १०७ औं जन्मजयन्तिको अवसरमा तेस्रो नरहरिनाथ महोत्सव हुन लागेको छ ।

नरहरिनाथ गाउँ पालिकाको आयोजनामा हुने महोत्सवमा चर्चित राष्टिय कलाकारहरुको उपस्थिति हुने बताइएको छ ।

सो महोत्सवमा कलाकारहरु रेखा जैसी,जनक सांउद,जनक कार्की,पुष्पाञ्जलि रोकाया लगाएतको उपस्थिति रहने बताइएको छ । यस अघि रहगाढमा महोत्सव हुंदै आएको भएपनि यति बेलाको धार्मिक तथा पर्यटनका साथै शैक्षिक महोत्सव हुने बताइएको छ ।

योगि नरहरिनाथका प्रचारक रत्नकमल विष्टको पहलमा सांस्कृतिक कार्यक्रम हुने गरेको भएपनि नरहरिनाथ गाउँ पालिकाले महोत्सवको रुपमा परिणत गरेपछि प्रत्येक वर्ष महोत्सव शुरु हुन थालेको बताइएको छ ।

महोत्सव फागुन १७ देखि १९ गते सम्म संचालन हुने आयोजकले जनाएको छ ।