नयाँदिल्लीमा नेपाली महिलाको गोली हानी हत्या

नयाँदिल्ली । भारतको राजधानी नयाँदिल्लीको मजनुका टिलामा व्यापार गर्दै आएकी मीना तामाङको गोली हानी हत्या भएको छ ।

उनलाई लुटेराहरूले गोली हानी हत्या गरेका हुन् । दिल्लीमा रहेका आरबी खड्काले बिहान सबैभन्दा पहिला पसल खोल्न पुग्ने मीनालाई बुधबार बिहान अज्ञात समूहले गोली हानेर हत्या गरेको बताए । गोली हान्नेले अरु कसैलाई गोली हान्दा मीनालाई लागेको हुन सक्ने जनाइएको छ ।

नुवाकोट घर भएकी ४५ वर्षीय तामाङ नयाँदिल्लीको मजनुका टिलामा पाँच वर्षदेखि किराना पसल चलाउँदै आएकी थिइन ।

बुधबार बिहान करिब सात बजे मोटरसाइकलमा आएका दुई जना लुटेराले पसल लुट्न खोज्दा तामाङले प्रतिकार गर्दा उनीमाथि गोली हानेको दिल्ली प्रहरीले बताएको छ ।

घाइते तामाङको उपचारका क्रममा मृत्यु भएको पनि प्रहरीले जानकारी दिएको छ । प्रहरीले लुटेराहरूको खोजी भइरहेको बताएको छ ।