तिलागुफामा अक्सिजन सिलिण्डर सहित रांचुलिमा आइसोलेसन

कालीकोट । कोभिड महामारीको भयावह अवस्थालाई मध्यनजर गर्दै तिलागुफा नगरपालिकाले अक्सिजन सिलिण्डर सहित आइसोलेसन तयार गरेको छ ।

तिलागुफा नगरपालिकाका प्रमुख रतन बहादुर शाही(आशुतोष)ले नगरपालिकाका कुनै पनि समुदायलाई औषधि उपचारमा कमि आउन नदिन रांचुलिमा २५ बेडको आइसोलेसन तयार भएको बताउदै जटिल खालका विरामी हुने वित्तिकै नगरपालिकाको स्वस्थ्य शाखा तथा स्वस्थ्य कर्मिहरु संग सम्पर्क राख्न अनुरोध गर्नु भएको छ ।

वहाँले यस कठिन घडिको समयमा सबै नगरवासिलाई सजग रहन अनुरोध गर्नु भएको छ । नगरपालिकाले विपतमा परेका नागरिकहरुको उद्धार र राहतमा जुट्न समेत अनुरोध गर्नु भएको छ ।
पछिल्लो समयमा जिल्लामा कोरोना महामारीका विरामी बढ्न थाले पछि सबै स्थानिय तहले आइसोलेसन सहितको व्यवस्थापनमा जुटेका छन ।