कोरोना संक्रमण न्युनिकरणका लागि माक्स अभियानले नागरिकहरु सचेत बन्दै,

कालीकोट । कोरोना न्युनिकरणका लागि अहिले नेपालमा माक्स अभियान संचालन गरिएको छ । कोभिड–१९ संक्रमणको रोकथाम तथा जोखिम न्यूनीकरणका लागि नेपाल प्रहरीद्वारा सञ्चालित ‘तपाईंको मास्क खोई ?’ कार्यक्रम अन्तर्गत देशभर यस अभियानले सार्थकता पाएको छ ।सोही अभियानमा कालीकोट जिल्लामा सचेतना मुलक अभियानका साथै माक्स वितरण गरिएको छ ।

जिल्ला प्रशासन कार्यालय कालीकोट र जिल्ला जनस्वस्थ्य कार्यालय कालीकोटको साझेदारीमा उक्त अभियान संचालन गरिएको हो । देशभर पछिल्लो २४ घण्टामा ३१ हजार २२९ जनालाई निःशुल्क मास्क वितरण गरिएको छ ।कालीकोट जिल्ला सदरमुकाममा माक्स वितरण गर्नुका साथै सचेतना अभियानले नागरिकहरुमा माक्स लगाउनु पर्छ भन्ने भावनामा विकास भएको बताइएको छ । देशभर वैशाख ६ गतेदेखि हालसम्म जम्मा ५ लाख ९१ हजार ७४० जनालाई निःशुल्क मास्क वितरण गरिएको प्रहरीले जनाएको छ ।

नयाँ भेरियन्ट सहितको कोभिड–१९ को संक्रमण बढ्दै गएको सन्दर्भमा यसबाट सृजनाना हुन सक्ने समस्या र चुनौतीलाई दृष्टिगत गरी संक्रमण रोक्न तोकिएको सुरक्षा मापदण्डलाई दुरुस्त रुपमा कार्यान्वयनका लागि नेपाल प्रहरीले ‘संक्रमणबाट आफू बचौँ र अरुलाई पनि बचाऔँ’ भन्ने नारासहित ‘तपाईंको मास्क खै ?’ लगायत विभिन्न सचेतनामूलक कार्यक्रमलाई अभियानकै रुपमा सञ्चालन गर्दै आएको छ ।

कोभिड–१९ रोकथाम तथा नियन्त्रणका लागि स्थानीय प्रशासनद्वारा जारी गरिएको निषेधाज्ञा उल्लंघन गर्ने २४९ जनालाई २४ हजार ९०० रुपैयाँ जरीवाना गरिएको छ । सो क्रममा स्वास्थ्य मापदण्ड उल्लंघन गर्ने १० हजार ८२२ जनालाई रोकी सम्झाई बुझाई छाडिएको प्रहरीको भनाइ छ ।

साथै देशभर सञ्चालित माइकिङ, प्लेकार्ड, पर्चापम्प्लेट सहितको २५० वटा सचेतनामूलक कार्यक्रम अन्तर्गत ३८ हजार ९७३ जनालाई सचेत गराइएको जनाइएको छ ।