पचालझरनाको सिकुमा दशैं विशेष खेलकुद प्रतियोगिता हुने

कालीकोट । पचालझरना गाउँ पालिकाको सिकुमा दशैं विशेष खेलकुद प्रतियोगिता हुने भएको छ ।दोस्रो पटक पचालझरना गाउँ पालिकाको वडा न. १सिकुमा खेलकुद प्रतियोगिता हुन लागेको बताइएको छ ।

पचालझरना गाउँ पालिका वडा न. १को आर्थिक सहयोग तथा दिग्दर्शन युवा क्लवको आयोजनामा उक्त खेलकुद प्रतियोगिता हुन लागेको क्लवका अध्यक्ष सर्जन विकले बताए । उनले भने पचालझरना गाउँ पालिकाका वडा न. १ देखि ९ सम्मका भलिवल खेलाडिीले असोज २२ गते भित्र टिम दर्ता गर्ने र असोज २३ गते देखि २५ गते सम्म भलिवल प्रतियोगिता गर्न लागेको बताए ।

उक्त खेलकुदमा प्रथम स्थान हांसिल गर्नेलाई १५ हजार नगद सहित प्रमाण पत्र दिने बताइएको छ । त्यसै गरी दोस्रो स्थान हांसिल गर्ने टिमलाई १२ हजार, तेस्रो स्थान ल्याउने टिमलाई १० हजार राशिको पुरुस्कार समेत प्रदान गरिने बताइएको छ ।

खेलकुद प्रतियोगिता पचालझरना गाउँ पालिकाको वडा न. १ स्थित सरस्वति माध्यमिक विद्यालयमा संचालन हुने बताइएको छ ।