कालीकोटको रेंगिलमा इन्द्रराज स्मृति कप शुरु

सुर्खेत । प्रथम इन्द्रराज स्मृति कप शुरु भएको छ । जिल्लाको खांडाचक्र नगरपालिका वडा नम्बर ११ को रेगिंलमा दशै तिहारको अवसरमा बृहत खेलकुद प्रतियोगिता शुरु भएको हो । खांडाचक्र नगरपालिका वडा नम्बर ११ का वडाअध्यक्ष पुस्पराज गिरीको प्रमुख आतिथ्यतामा खेलकुद प्रतियोगिता शुरु भएको आयोजकले जनाएको छ । रेवती युनाइटेड क्लब(रुस्का)ले आयोजना गरेको बृहत खेलकुद प्रतियोगितामा ७ वटा भलिबल,४ वटा पुरुष तर्फ फुटबल र ३ वटा महिला तर्फको समूह सहभागिता रहेको बताइएको छ । उक्त खेलकुदमा प्रथम हुने समुहलाइ फुटबल तर्फ ६० हजार र भलिबल प्रथमलाइ ५० हजार राशिको पुरुस्कार सहित मेडल प्रदान गरिने भएको छ ।  ‘एकीकृत समृद्धी बदालकोट ११ को आफ्नै पहिचान, साँस्कृतिक, खेलकूद सहितको सामाजिक सचेतनाको नौलो अभियान’ भन्ने  नाराका साथ बदालकोटको  रेंगिलका खेलाडी इन्द्रराज शाहिको निधन पछि उनको सम्झनामा पहिलो पटक इन्द्रराज स्मृति कप आयोजना गरिएको स्थानिय सुर्यबहादुर शाहिले  बताएका छ्न ।