केपि ओलि दलाल पुजिंपति बर्गका एजेण्ट हुन: अध्यक्ष प्रचण्ड

कोहलपुर । नेकपा(माओवादी केन्द्र)का अध्यक्ष पुष्पकमल दाहल( प्रचण्ड)ले एक बिज्ञप्ति जारी गर्दै के पि ओलि पुजिपती बर्गको असलि एजेण्ट भएको बताउनु भएको छ । केही दिन अघि सेयर बजारका बारेमा बोलेको कुरामा टिप्पणी गर्दै केपि ओलिले राजा संगको ५ बुदे सहमति गरेको आरोप लगाउदै लेनिन भन्दा पनि जान्ने भएको भन्दै कसै ब्यापारीले चन्दा नदिएपछि त्यसो भनेको बताएका थिए । सोही बारेमा एक प्रेस विज्ञप्ति मार्फत प्रचण्डले आफुले दिएको भूमण्डलीकृत साम्राज्यवाद र वित्तिय एकाधिकार पूँजीवादबारे गरेको विश्लेषण सहि भएको दाबी गर्दै त्यस माथी भएको टिप्पणी खारेज गरेको दाबी गर्नु भएको छ ।बिज्ञप्तिमा भनिएको छ “आजको पूँजीवादको चरित्रबारे मैले गरेको विश्लेषण सही रहेको दाबीसहित नेपालको शेयर बजारका सन्दर्भमा हाम्रो पार्टी र म समेत लाखौं लगानीकर्ताहरुको हितका पक्षमा रहेको स्पष्ट गर्न चाहन्छु ।” साथै प्रचण्डले  दलाल पूँजीपतिहरुको झुटो प्रचारबाट भ्रमित नहुन म शेयर होल्डर जनसमुदायसँग अनुरोध समेत गर्नु भएको छ ।

………………………………….प्रेस बिज्ञप्ति

दलाल पूँजीपति वर्ग र प्रतिगमनको राजनैतिक प्रतिनिधिका रुपमा देखा परेका एमाले गुटका अध्यक्ष के.पी. शर्मा ओली, झुट, बेइमानी र धोकाको अर्को नाम हो भन्ने तथ्यलाई उनले हालैको आफ्नै अभिव्यक्तिबाट पुनः प्रमाणित गरेका छन् । पूर्व राजा ज्ञानेन्द्र शाहसँग प्रचण्डको पाँच बुँदे सहमति भएको थियो भन्ने शत प्रतिशत झुटो कुरा प्रचार गरेर उनले आफ्नो दरिद्र राजनैतिक चरित्र मात्र प्रदर्शन गरेका छन् । म, के. पी. ओलीलाई “पाँच बुँदे सहमति” प्रमाणित गर्न र प्रमाणित गर्न नसके झुटो बोलेकोमा जनतासँग माफी माग्न चुनौती दिन्छु । साथै माक्र्सवाद र कम्युनिष्ट सिद्धान्तबाट कोसौं टाढा भागेका ओलीबाट मैले भूमण्डलीकृत साम्राज्यवाद र वित्तिय एकाधिकार पूँजीवादबारे गरेको विश्लेषण माथि गरिएको टिप्पणीलाई दलाल पूँजीपति वर्गको एजेण्टको टिप्पणीका रुपमा खारेज गर्दछु । आजको पूँजीवादको चरित्रबारे मैले गरेको विश्लेषण सही रहेको दाबीसहित नेपालको शेयर बजारका सन्दर्भमा हाम्रो पार्टी र म समेत लाखौं लगानीकर्ताहरुको हितका पक्षमा रहेको स्पष्ट गर्न चाहन्छु । दलाल पूँजीपतिहरुको झुटो प्रचारबाट भ्रमित नहुन म शेयर होल्डर जनसमुदायसँग अनुरोध गर्दछु ।

०१ पुष, २०७८
……………………………
पुष्पकमल दाहाल ‘प्रचण्ड’
अध्यक्ष