पचालझरनामा केम्पो खुकुरी मार्सल आर्ट प्रशिक्षण शुरु,एसिया अध्यक्ष पाण्डेले दिए शुभकामना

कालीकोट । पचालझरनामा केम्पो खुकुरी मार्सल आर्टको प्रशिक्षण शुरु भएको छ । राष्ट्रिय केम्पो खेलका कोचर मंगल शाही प्रशिक्षक रहेका खेलमा १० जना खेलाडी सहभागि रहेका छन ।

केम्पो खेलको उद्घाटन गर्दै पचालझरना गाउँ पालिकाका प्रवक्ता तथा कार्यवाहक अध्यक्ष अनरुप रोकायाले खेल क्षेत्रमा पचालझरना गाउँ पालिकाले चाहेको खेलाडी उत्पादन गर्दै आएको बताउनु भएको छ ।

पचालझरना गाउँ पालिकामा यस अघि समेत केम्पो खेलको प्रशिक्षण शुरु भएकोमा कोरोना महामारीको तेस्रो लहरका बेला उच्च सतर्कता अपनाउदै प्रशिक्षण शुरु गरिएको राष्ट्रिय कोचर मंगल शाहीले बताउनु भएको छ ।

सात दिन सम्म शुरु हुने प्रशिक्षण कार्यक्रमको केम्पो खुकुरी मार्सल आर्टका एसियालि अध्यक्ष डाक्टर पुर्ण पाण्डेले समेत भर्चुअल मार्फत शुभकामना दिदै प्रशिक्षण फलदायि हुने बताउनु भएको छ । प्रशिक्षक मंगल शाहीले यस अघि राष्ट्रिय पुरुस्कार समेत प्राप्त गरेका छन ।