म फेरी बांच्ने छु …..

म फेरि बाँच्नेछु
जब मेरो मृत्यु हुनेछ
कृपया मलाई कफिनभित्र नराख्नु
मेरो मृत शरीरको हातमा
बीज राखेर गाड्नु
गहिरो खाल्डो खन्नू
र यसैभित्र मेरो शरीर राख्नू
मलाई माटोको कम्बल ओढाइदिनु।

वर्षा मेरो पोषण होस्
जब मेरो शरीर सड्न थाल्नेछ
मेरो हातमा रोपिएको बीजद्वारा
म फेरि जन्मिनेछु
मेरा जराहरु जमिनको भित्री भागसम्म फैलिनेछन्
रुखको खाँबो आकाशमा पुग्नेछन्
हाँगाविँगा पृथ्वीको पर क्षितिजसम्म पुग्नेछन्
ब्रह्माण्डले मलाई फेरि स्वागत गर्नेछ
घामका किरण ममाथि खस्नेछन्
एक पटक म फेरि जीवनको अनुभव गर्नेछु
म फेरि बाँच्नेछु।