गाउँ घरमा न्याय सम्पादन सहज गर्न पचालझरना उपाध्यक्षको उपस्थितिमा अन्तरक्रिया

कालीकोट ।पचालझरना गाउँ पालिकाले मेलमिलाप केन्द्रका पदाधिकारीहरु संग वडा स्तरिय अन्तरक्रिया गरेको छ ।

पचालझरना गाउँ पालिका उपाध्यक्ष तारा न्यौपानेको उपस्थितिमा अन्तरक्रिया गरेको हो । पचालझरना गाउँ पालिका वडा न.२ खयरकोट धमालिका मेलमिलाप केन्द्रका पदाधिकारी तथा जनप्रतिनिधिहरुको विच अन्तरक्रिया कार्यक्रम गरेको वडा सचिव हस्त खड्काले बताउनु भएको छ ।

पचालझरना गाउँ पालिका वडा  नम्बर २ का  निमित्त वडाध्यक्ष,वडा सदस्यहरु सहित न्यायिक समितिका पदाधिकारीको सहभागितामा अन्तरक्रिया कार्यक्रम गरेको बताइएको छ । उक्त कार्यक्रममा गाउँ पालिका उपाध्यक्ष तथा न्यायिक समिति संयोजक तारा न्यौपानेले गाउँ घरमा झै झगडा तथा अन्य मुद्धामामिलाहरुमा आएका समस्या र तिनको समाधानका विषयमा छलफल गरिएको बताइएको छ ।

मेलमिलाप केन्द्रका पदाधिकारीहरुले आफुहरुले गरेका काम र आएका समस्याहरुका बारेमा सुझावहरु राखेको वडा सचिव खड्काले बताए ।पचालझरना गाउँ पालिकाका सबै वडाहरुमा अन्तरक्रिया कार्यक्रम गरिने उपाध्यक्ष तारा न्यौपानेले बताउनु भएको छ ।