हिमचुलि सहकारीले कर्मचारीलाई क्षमता अभिबृद्धि गर्दै

कालीकोट ।सहकारी क्षेत्रमा फरक पहिचान कायम गरेको व्यवसायिक तथा कृषि क्षेत्रको काम गर्दै आएको हिमचुलि कृषि सहकारी संस्थाले आफ्ना कर्मचारीहरुलाई क्षमता अभिबृद्धि तालिम शुरु गरेको छ । जिल्लाका १० वटा सेवा कार्यालयका फिल्ड स्तरका कर्मचारीहरुको सहभागितामा क्षमता अभिबृद्धि तालिम शुरु गरेको हो ।

संस्थाका अध्यक्ष काली बहादुर महताराको उपस्थितिमा शुरु भएको तालिममा संस्थाका पूर्व संचालक तथा पूर्व कार्यकारी प्रमुख भीम प्रसाद बरालले सहजिकरण गर्ने बताइएको छ । उद्घाटन शत्रमा बोल्दै सहकारीका अध्यक्ष संस्थालाई यहाँ सम्म ल्याइ पुगाउने कर्मचारीहरुको क्षमता अभिबृद्धिका लागि विगतमा कोरोनाका कारण हुन नसकेको अवस्थामा यस वर्ष शुरु गरेको बताउनु भएको छ ।

तालिम केवल तालिमका लागि नभई हाम्रा जिवन व्यवहारमा लागु गर्ने र एक अर्कामा सिकेका सिपको सहजिकरण गर्ने बताउनु भएको छ । संस्थाका २२ जना कर्मचारीहरुको सहभागिता रहेको मुख्य व्यवस्थापक जगेन्द्र प्रसाद आचार्यलले बताउनु भएको छ । वहाँका अनुसार क्षमता अभिबृद्धि तालिम चैत्र १ गते सम्मे संचालन हुने बताइएको छ ।