देशभर बैशाख ६ र ७ गते भिटामिन र जुकाको दवाइ खुवाइने

कालीकोट । देशभर भिटामिन र जुकाको औषधि खुवाइने भएको छ । बैशाख ६ र ७ गते देशका सबै पालिकाका वडाहरुमा औषधि खुवाउने कार्यक्रम अनुसार परिवार कल्याण महाशाखाले निर्देशन जारी गरेको छ । सोही अनुसार कालीकोटका ८२ वडाका स्वास्थ्य इकाइ कार्यलय र स्वास्थ्य संस्थामा औषधि सहित ब्यबस्थापन गरिएको जिल्ला जनस्वास्थ्य अधिकृत तथा सुचना अधिकारी कटक महता बताउनु भएको छ ।वहाँका अनुसार जन्मेको एक वरिपरिको देखि ५ वर्ष मुनिका बाल बालिकालाइ भिटामिन क्याप्सुल खुवाउने सोही अनुसार जुकाको दवाइ खुवाउन कालीकोटका ९ वटै पालिकाक स्वस्थ्य संंस्थालाई निर्देशन दिएको बताउनु भएको छ ।अहिले जिल्लाका ९ वटै पालिकामा टाइफाइड रोग विरुद्धको खोप अभियान तिब्र रुपमा चलेको बताइएको छ । जिल्लाभर बैशाख ९ गते भित्र सबै पालिकामा टाइफाइड खोप लगाइसक्ने जनस्वास्थ्य अधिकृत महतले बताउनु भएको छ।कोभिड महामारी यथावत रहेको भन्दै पारिवारिक कल्याण महाशाखाले भिडभाडलाई क्म गरेर औषधि खुवाउन अनुरोध गरेको छ।