कालीकोटका तीन पालिका,जहाँ प्रचण्ड पुगे त्यहां माओवादी केन्द्र बहुमत सहित बिजयी

कालीकोट ।स्थानीय तहको निर्वाचन अघि हेलिकप्टर सहित सवार नेकपा(माओवादी केन्द्र)का अध्यक्ष प्रचण्ड पुगेर सम्बोधन गरेको पालिकामा माओवादीले बिजयी हांसिल गरेको छ ।गएको बैशाख २६ गते जिल्लाको  रास्कोट नगरपालिका ,पलाता,पचालझरना गाउँ पालिकामा एक साथ सम्बोधन गरेका प्रचण्डले छोटो समयमा सम्बोधन गरेका थिए ।पलाता र पचालझरनामा छोटो समय दिएका प्रचण्डले माओवादी केन्द्रक उम्मेदवारलाई भोट मागेका थिए । रास्कोटमा गठबन्धनलाई लामो समय सम्बोधन गर्दै गठबन्धनले जितेपछी आफू रास्कोटमा एक पटक अबस्य पुग्ने मतदाता बिच प्रतिबद्धता समेत गरेका थिए ।रास्कोट नगरपालिका प्रमुखमा माओवादी केन्द्रका धर्मराज शाही र उपप्रमुखमा एकीकृत समाजवादीका मनिराज बराल बिजयी भएका छ्न भने वडा स्तरमा ७ वडामा माओवादी,एक एक वडामा समाजवादी र नेपाली कांग्रेस बिजयी भएको छ भने २०७४ को स्थानीय निर्वाचनमा ४ वडा जितेको एमाले शून्य भएको छ । त्यसै गरेर पचलझरना गाउँ पालिकामा माओवादीका तर्फबाट अध्यक्षमा देबराज शाही र उपाध्यक्षमा अल्किना बम बिजयी हुनुका साथै पालिकाका ८ वडामा माओवादी प्यानल बिजयी भएको छ भने एक वडाका दुई सदस्य सहित एक वडा अध्यक्ष नेपाली कांग्रेस र एक सदस्यमा समाजवादी बिजयी भएको छ । पलाता गाउँ पालिकामा माओवादी केन्द्र बाट एमाले भएर चुनावी मैदानमा भिडेको अवस्थामा पनि माओवादी केन्द्रले ६ वडा सहित पालिका अध्यक्ष  बिष्णु रोकाया र  उपाध्यक्षमा अलैपुरा जैशि बिजयी भएका छन।