रास्कोट नगरपालिकाले “भुमि” तथा “योजना बैंक” संचालन गर्ने

कालीकोट । रास्कोट नगरपालिकाको १० औं नगरसभाले भुमि बैंक तथा योजना बैंक संचालनमा ल्याउने निति तथा कार्यक्रममा समाबेश गरेको छ ।नगरपालिका भित्रको जमिनलाई बांझो नराखि उत्पादन बढाउनका लागि भुमि बैंक संचालनमा ल्याउने जनाइएको छ ।

विगतको स्थानिय सरकारले अघि सारेको उक्त कार्यक्रमलाई निरन्रतरता दिदै कृषिमा प्राथमिकता दिन सो अभियान संचालन गरिएको नगर प्रमुख धर्मराज शाही(पोषण)ले कर्नालि संचारलाई बताएका छन । उनका अनुसार हरेक विकास निर्माणका कामलाई समेत व्यवस्थित तथा प्राथमिकताका आधारमा जनताका आवश्यक्तालाई मध्यनजर गर्दै योजनाहरु एक रुपतामा ल्याउन योजना बैंक समेत संचालनमा ल्याउने दावि गरेका छन ।

यस अभियानले जनताका आवश्यक्तालाई प्राथमिकिकरण गर्ने र योजना बैंकमा समाबेश भएपछि मात्र नगर सभा वा अन्य बैठकबाट सिफारिस गरिने बताइएको छ । रास्कोट नगरपालिकामा कृषि तथा पशुपालनका लागि विशेष जोड दिदै कृषकहरुलाई उत्पादन बढाउने गरी काम गर्न हरेक कार्यक्रम अघि सारेको बताइएको छ ।