हिमचुलिको सातौं सेवा कार्यालय महाबैले मनायो स्थापना दिवस,जेष्ठ नागरिक सम्मानित

कालीकोट । जिल्लाको प्रतिष्ठित सहकारीका रुपमा चिनिदै आएको हिमचुलि कृषि सहकारी संस्था लि.महाबैले आफ्नो स्थापना दिवस मनाएको छ । जिल्लाभर सेवा कार्यालय स्थापना गर्ने क्रममा आजकै दिन २०७५ साल भाद्र २२ गते महाबैको पादमघाटमा सेवा कार्यालय स्थापना गरिएको थियो ।

उक्त सेवा कार्यालयको स्थापना भएपछि महाबै गाउँ पालिकाका वडा न.१ देखि ७ सम्मका समुदायहरुलाई वित्तिय तथा गैरवित्तिय सेवा दिदै आएको सहकारीकाले स्थापना दिवसमा जेष्ठ नागरिक नाना सिह,जग्गु सिह र देउरुपा सिहलाई दोसल्ला ओढाएर सम्मान समेत गरिएको बताइएको छ ।

स्थापना दिवसका क्रममा महाबै गाउँ पालिकाका सरोकारवाला निकायको उपस्थिति रहेको सेवा कार्यालय व्यवस्थापक पुष्प प्रसाद उपाध्ययले बताएका छन ।