रास्कोट नगर प्रमुख शाहीको शाहसले सफल भएको थियो जनचेतना क्याम्पस निर्वाचन

कालीकोट ।रास्कोट नगरपालिकाका नगर प्रमुख तथा जनचेतना बहुमुखि क्याम्पसका विद्यार्थि समेत रहेका धर्मराज शाहीले गरेको शाहसका कारण उक्त क्याम्पसको निर्वाचन सफल भएको बताइएको छ । पटक पटक भएको झडपका बाबजुद सान्नित्रिवेणि गाउँ पालिकामा रहेको जनचेतना बहुमुखि क्याम्पसको निर्वाचन सफल भएको छ ।

अखिल(क्रान्तिकारी) र नेविसंघको सयुक्त प्यानलका साझा उम्मेद्धार पार्वति संज्याल र अनेरास्ववियुका तर्फबाट उम्मेद्धार रहेका धर्म शाही विच भएको निर्वाचन मैदानमा अखिलका उम्मेद्धार शाहीले पक्षधरले फर्जि विद्यार्थि भर्ना गरेको भन्दै विरोध जनाएपछि झडप भएको थियो । जनचेतना बहुमुखि क्याम्पसमा निर्वाचनमा सफल भएपनि नेकपा(एमाले) र अनेरास्ववियुले विज्ञप्ति निकालेर विरोध जनाएका छन ।

नेकपा(एमाले)ले पार्टीका नेता तथा कार्यक्रता माथि आक्रमण भएको आरोप लगाएको छ भने निर्वाचनमा आफुहरुको सहभागिता नभएकोले अबैध भएको भन्दै आवश्यक छानविनका लागि जिल्ला प्रशासन कार्यालयमा निवेदन दिएको छ । सोही निवेदनका आधारमा जनचेतना बहुमुखि क्याम्पसका आवश्यक कागजजातहरु जिल्लामा ल्याउने निर्देशन समेत भएको बताइएको छ ।

सो निर्वाचनमा मतदानका लागि गएका रास्कोट नगरपालिका प्रमुखले जे जस्तो भएपनि अनेरास्ववियु पक्षधरहरु हारको मानसिक्तामा रहेकाले निर्वाचन असफल पार्ने सोच भएपनि आफुहरु मतदान गर्न पाउनु पर्छ भनेर लागि परेको र धांधलि गर्नेहरु माथि प्रशासन देखि सबैले साथ दिएर ठुलो घटना हुनबाट जोगिएको बताउदै विद्यार्थिको मतदान गर्न पाउने अधिकारबाट आफुहरु सफल भएको नगर प्रमुख शाहीको भनाई रहेको छ ।

नगर प्रमुख शाहीले मतदान गर्नु अगाडि क्याम्पसमा बसेको बैठकमा जायज मागको सम्बोधन गर्ने विषयमा अघि बढ्ने र निर्वाचनमा मतदान पनि शुरु गर्ने भनेपछि नमानेका कारण आफुले लेखामा टेबुल ठोक्न बाध्य भएको बताएका छन । उनले मतदानमा सबै भन्दा अघि मतदान गरेको बताइएको छ ।सो झडपमा सक्रिय रहेका पलांता गाउँ पालिका पूर्व अध्यक्ष लक्ष्मण बम लगाएतका व्यक्तिहरु सामान्य घाईते भएको बताइएको छ ।