हिमचुलिको १० औं सेवा कार्यालय स्थापना

कालीकोट । शुभकालिका गाउँ पालिकामा हिमचुलि सहकारीको संस्था लि.को १० औं सेवा कार्यालयको स्थापना भएको छ । संस्थाका बरिष्ठ उपाध्यक्ष सरोज बोगटीको अध्यक्षतामा शुभकालिका गाउँ पालिका अध्यक्ष गोविन्द आचार्यले रिवन काटेर उद्घाटन गरेका हुन ।

संस्थाको ९ वटै स्थानिय तहमा सेवा कार्यालय संचालनमा आएका छन ।जिल्लाभर कार्यक्षेत्र रहेको हिमचुलि कृषि सहकारी संस्थाको खांडाचक्र नगरपालिकामा २ वटा सेवा कार्यालय सहित विभिन्न कारोबार गर्दै आएको छ । शुभकालिका गाउँ पालिकाको आग्रहमा पालिकाका ९ सय ६२ जना सदस्यहरुलाई नजिकबाट सेवा दिनका लागि शुभकालिका गाउँ पालिकामा सेवा कार्यालय स्थापना गरिएको संस्थाका मुख्यव्यवस्थापक जगेन्द्र प्रसाद आचार्यले बताएका छन ।

हाल संस्थाका १४हजार ५ सय सदस्यहरुमा कर्जा प्रवाह,कृषि उत्पादन र बजारीकरण,अर्गानिक वस्तु खरिद विक्रि लगाएतका कार्यक्रम गर्दै सदस्यहरुलाई सेवा दिदै आएको बताएका छन ।

सेवा कार्यालय व्यवस्थापक शन्तोष भण्डारीले यस अघि जिल्ला सदरमुकामबाट सेवा दिदै आएकोमा हाल शुभकालिका गाउँ पालिकाबाट सेवा सुचारु गरिएको बताएका छन ।