पचालझरनामा हिमचुलि सहकारी द्धारा सदस्यहरुसँग अन्तरक्रिया

कालीकोट । पचालझरनामा सहकारीले अन्तरक्रिया गरेको छ । आगामि वर्षको कार्यक्रमका लागि हिमचुलि कृषि सहकारी संस्था लि.आफ्ना सदस्यहरु विच अन्तरक्रिया कार्यक्रम गरेको छ ।

संस्थाको पचालझरना सेवा कार्यालयको आयोजनामा गाउँ पालिका केन्द्र पडेक्षामा २० जना सदस्यहरुको उपस्थितिमा अन्तरक्रिया गरेको सेवा कार्यालय व्यवस्थापक सतल रोकायाले बताएका छन । संस्थाका शिक्षा तथा तालिम विभाग प्रमुख कृष्ण बरालको सहजिकरण तथा शिक्षा तालिम विभाग सदस्य बर्म ऐडीको समेत सहभागिता रहेको उक्त अन्तरक्रिया कार्यक्रममा सदस्यहरुले आ आफ्ना भनाई राखेका थिए ।

संस्थाले आफुहरुलाई सिप विकास तालिम संचालनका साथै अन्य सहुलियत कार्यक्रमहरु लागु गर्न अनुरोध गरेको बताइएको छ । पचालझरना गाउँ पालिकामा हिमचुलि कृषि सहकारी संस्था लि.का एक हजार दुइ सय ४३ जना सदस्यहरु रहेको सेवा कार्यालयले जनाएको छ ।

हाल संस्थाका जिल्लाभर १० वटा सेवा कार्यालय रहेको संस्थाले जनाएको छ ।संस्थाले यस वर्ष जिल्लाका २ हजार सदस्यहरुमा शिक्षा तथा तालिम का साथै अन्तरक्रिया कार्यक्रम गरेको छ ।