पलाताको न्यौपानेको जन्मथलो खाडामा सामुदायिक होम स्टे संचालन गरिने

कालिकोट । पलाता गाउँ पालिकाले न्यौपाने जातिको जन्मथलो खाडा वस्ति सामुदायिक होम स्टे स्थापना गरी पर्यटक भित्र्याउने योजना अघि बढाउने भएको छ।

पलाता गाउँ पालिका को १२ औं गाउँ सभामा आ.व २०८०/ २०८१ को निति तथा कार्यक्रम प्रस्तुत गर्दै पलाता गाउँ पालिका अध्यक्ष विष्णु बहादुर रोकायाले उक्त कुरा बताएका छन्।

त्यसै गरी बम परिवारको जन्मथलो नाइबाडा स्थित  अगाउँ वस्ति लाई उचित संरक्षण गर्दै सामुदायिक होम स्टे संचालन गरिने भएको छ भने पलातामा  ठेटुवा ,अल्लोको व्यावस्थापन गरेर उत्पादन बढाइ आय आर्जन कार्यक्रम गरिने छ ।

कृषि क्षेत्रमा कृषकलाई अध्यक्ष उत्कृष्ट पुरस्कारको व्यवस्थाका साथै वृक्षारोपण गरिने समेत जनाइएको छ । सडक विस्तार गरी सवै वडामा पहुंच वृद्धि कायम गर्ने समेत उल्लेख गरिएको छ ।