एमालेले सहमति बिना सदस्यता फारम भरेपछि बराल द्वारा आपत्ति

कालीकोट । रास्कोटमा रहेको बडीमालिका मा.वि.स्यूनामा कार्यरत शिक्षक महाप्रसाद बरालले आफ्नो सहमति बिनामा पार्टी सदस्यता भरेको भन्दै निन्दा गरेका छन। बरालले आज एक विज्ञप्ति निकाल्दै आफू २०५६ साल देखि नेकपा (माओवादी केन्द्र)मा आस्थावान रहेको बताउदै आफूले एमालेकाे पार्टी सदस्य फारम नभरेको र रकम समेत भुक्तानी नगरेको उल्लेख गरेका छन।

उक्त विवरण म सँग नमिलेको र यस्ता काल्पनिक विवरण भरी आफ्नो जिवनको लागि चरित्र हत्या गरेको र राजनैतिक वेइमानी प्रति घोर निन्दा गरिएको बताउदै आफूले सहमति,हस्ताक्षर र भुक्तानि नभएको उल्लेख गरेका छन।

शिक्षक बरालले आफू नेकपा (माओवादी केन्द्र) निकट एकिकृत अखिल नेपाल शिक्षक संगठनमा आवद्ध रहेको र निरन्तर रहने बताएका छन।