पलांतामा अपांग परिचय पत्र घुम्ति शिविर संचालन

कालीकोट । पलाता गाउँ पालिकाले फरक क्षमता भएकाहरुलाई सहजता ल्याउन घुम्ति शिविर संचालन गरेको छ । पलांता गाउँ पालिकाको महिला तथा वालवालिका शाखाको आयोजनामा वडा न.२ राडुनेटामा शिविर संचलन गरिएको हो ।

आज उक्त वडामा पलांता गाउँ पालिका अध्यक्ष विष्णु बहादुर रोकाया,उपाध्यक्ष अलैपुरा हमाल,प्रमुख प्रशासकिय अधिकृत सुरेश कुमार श्रेष्ठ लगाएतको सहभागितामा शिविर शुरु गरिएको बताइएको छ ।

उक्त शिविरले ग्रामिण क्षेत्रका फरक क्षमता भएका समुदायका लागि सहजता आउने बताउदै गाउँ पालिका अध्यक्ष विष्णु रोकायाले शिविर संचालन गरिएको बताएका छन । पलांता गाउँ पालिकाका सबै वडामा घुम्ति शिविर कार्यक्रम संचालन गर्ने बताइएको छ ।