नरहरिनाथमा हाट बजार संचालन गरिने

कालीकोट । स्थानिय उत्पादित वस्तुको बजारीकरणका लागि नरहरिनाथले हाट बजार संचालन गर्ने भएको छ । नरहरिनाथ गाउँ पालिकाका अध्यक्ष नगेन्द्र विष्टको उपस्थितिमा सरोकारवाला निकाय संगको गरिएको छलफलमा पौष १४ गते गाउँ पालिकामा एक दिने हाट बजार संचालन हुने भएको हो ।

अगुवा कृषक संजालको आयोजना तथा आइएनएफ नेपाल र सहास नेपालको   व्यावस्थापनका साथै नरहरिनाथ गाउँ पालिकाको समन्वयमा एक दिने कृषि हार बजार संचालन हुने भएको हो । केही दिन अघि हिमचुली कृषि सहकारी संस्था लि. को साधारण सभाका क्रममा गाउं पालिकालाई हाट बजार संचालन गर्न सुझाव दिइएको थियो ।

जिल्लाका सबै पालिकाले कृषि हाट बजारका लागि व्यवस्थापन गर्न सहकारीले प्रक्रिया अघि बढाउने बताइएको छ ।