पलांताका महिला आलु चिप्स बनाउन सिक्दै

कालीकोट । पलांतामा स्थानिय महिलाहरुलाई सिप विकासमा तिव्रता दिन थालिएको छ ।

पलांता गाउँ पालिकाको गरिबी निबारणका लागि लघु उद्यम शाखाको आयोजनामा आलु चिप्स तालिम संचालन गरिएको छ । पलांता गाउँ पालिकाको आयोजनामा ११ जना महिलाहरुको सहभागितामा वडा नम्बर ८ बेर्सनकोटमा सो तालिम शुरु गरिएको हो ।

हाते मेसिनले पहिलो पटक आफै उत्पादन गरेको आलु बाट चिप्स उत्पादन गरिएको उद्यम सहजकर्ता इलम महताराले बताएका छन । उनका अनुसार आलु चिप्स बनाउने तालिम १५ दिन सम्म संचालन हुने बताए ।
यस अघि पतांता गाउँ पालिकाले जिल्लामा लोपन्मुख भएको ठेटुवाको कपडा उतपादनका लागि तालिम दिएर चर्चामा रहेको थियो । जुन कपडा पुर्खाले कपास उत्पादन गरेर बनाउदै आएका थिए । पछिल्लो समय ठेटुवाका कपडा पाउन छाडेको छ ।

पलाता गाउँ पालिका अध्यक्ष बिष्णु रोकायाले महिलाहरुमा दीर्घकालीन रुपमा आत्मनिर्भर हुने गरी सीप बिकाश तालिम संचालन गरिएको बताएका छ्न ।