कालीकोटमा ६ जना थपिए, कोरोना संक्रमितको संख्या १२ पुग्यो

कालीकोट । जिल्लामा पछिल्लो २४ घण्टामा ६ जना कोरोना संक्रमित थपिएका छन । रास्कोट नगरपालिका वडा न. २का ३ जना पुरुष र १ जना महिला रहेका छन भने रास्कोट नगरपालिका वडा न. ८का १ जना पुरुष गरी ६ जना रहेको जिल्ला स्वस्थ्य कार्यालय कालीकोटले जनाएको छ ।

कर्नालि स्वस्थ्य विज्ञान प्रतिष्ठान जुम्लामा सोमबार परिक्षणका क्रममा आएको रिर्पाेट अनुसार ६ जना थप भएको बताइएको छ ।

जिल्ला स्वस्थ्य कार्यालय कालीकोटका निमित्त स्वस्थ्य व्यबस्थापक डा.भिष्म प्रसाद पोख्रेल द्धारा जारी विज्ञप्तिमा रास्कोट नगरपालिकाको कालापानि स्थित आइसोलेसनमा १ जना अगाडी र नयां थप ६ जना सहित ७ जना रहेको बताइएको छ ।

जिल्लामा हाल सम्म ६१ जनामा कोरोना संक्रमित भएकोमा ४९ जना निको भएर घर फर्किएका छन भने १२ जना आइसोलेसनमा रहेको जिल्ला स्वस्थ्य कार्यलय कालीकोटले जनाएको छ । जनस्वस्थ्य अधिकृत कटक महतका अनुसार कालीकोटमा विभिन्न क्वारेन्टाइनमा रहेको ५ हजार ८ सय ४४ मध्ये हाल २ सय ६३ जना मात्र क्वारेन्टाइनमा बस्दै आएको बताउनु भएको छ ।